Course Description

Námskeið: Höfuðbeina -og spjaldhryggjarnám (CranioSacral Therapy -CST 1) - Fyrsta stig Hvenær haldið?: 7 - 10 janúar 2026 Hvar er námskeiðið haldið?: Nuddskólanum Reykjavík í Fjölbraut Ármúla. Verð: 169.900kr Undanfari: Enginn Á þessu námskeiði er m.a. kennt: Líffærafræði höfuð- og spjaldhryggjarkerfissins er kennd, hvaða hlutverk mænuvökvinn hefur, heilahimnur og mænuslíður (Dura mater). Útskýrt er hvernig höfuð-og spjaldhryggjarkerfið er hálflokað vökvakerfi. Kennt er að skynja taktinn í mænuvökvanum, stöðva hann og lesa í viðbrögð líkamans. Fjallað um bandvefskerfi líkamans og hvernig losað er um spennu í því. Útskýrðar aðferðir til að losa um spennu í „þverhimnum“ líkamans (grindarbotn, þind, axlargrind, vefjum tengdum málbeini og hnakkagróf.) Kenndar eru aðferðir til að losa um höfuðbeinin og spjaldbeinið og nota þessi bein til að gefa okkur aðgang að heila- og mænuhimnum. Einnig er orkumiðlunartækni kennd. Mjög ítarleg vinnubók fylgir námskeiðinu. Undirbúningur fyrir þetta námskeið felst í lestri bókarinnar "Your inner physician and you" eftir Dr. John Upledger. Í henni útskýrir hann hvernig þetta meðferðarform kom til sögunnar og þróaðist í núverandi mynd. Einnig eru lesnir fyrstu sex kaflarnir í "CranioSacral Therapy" eftir John Upledger og Jon Vredevoogd. Undanfari námskeiðsins er enginn. Greiða þarf 30.000kr. staðfestingargjald við skráningu. Greiðsluseðill með mismuni á verði námskeiðs og staðfestingargjaldi kr. 159.900kr. er svo sendur í heimabanka þátttakanda með eindaga 8 vikum áður en námskeið hefst. Hægt er að dreifa greiðslum með kreditkorti. Einnig minnum við á afláttarpakkann okkar ef gengið er frá skráningu á þremur eða fleiri námskeiðum í einu.